रक्षाबंधन

 #रक्षाबंधन 


सौ.हेमा पाटील 


समोरच रस्त्याच्या कडेला उभ्या असलेल्या पोलिसदादाने जोरात दोनदा शिट्टी फुंकली अन् हाताने इशारा करत तिला गाडी बाजूला घ्यायला सांगितले. 

  रस्त्यावर गाडी चालवत असताना मागून ,पुढून ,शेजारुन कुठल्याही गाडीने कितीही हाॅर्न दिला तरी कधीही गाडी जागेवरुन तसूभरही बाजूला न घेणार्या तिला आता मात्र पाय टेकवत स्कूटी साईडला घ्यावी लागली.


शिपाईदादा जवळ आले..

"काय मॅडम.. रस्त्यावर नियम पाळून गाडी चालवायची असते"...


"हो दादा..हे काय मी हेल्मेट घातलेय की"..


"अहो मॅडम"...


पण त्यांना पुढे बोलू न देता ती म्हणाली,"अन् गाडीवर तर मी एकटीच आहे..टिबल सीट कुठे चालले होते"..


यावेळी तिच्याकडे आपादमस्तक पहात पोलिस दादा उद्गारले...

"बघा.. म्हणजे आपल्याला रस्त्यावरचे नियम पण आम्हीच शिकवायचे का" ?


"नाही नाही दादा..! मी अगदी परीक्षा देऊन लायसन्स काढलेय..थांबा दाखवते".


"ते नंतर दाखवा‌..आधी मला सांगा,एवढी कसली घाई झाली आहे तुम्हाला"?


"काय सांगू तुम्हाला दादा , आम्हां बायकांचा कुणी विचारच करत नाही. अहो बघा ना,आज रक्षाबंधन असून सुद्धा आॅफीसला सुट्टी नाही हो..!😢😢 इथेच पाच मिनिटांच्या अंतरावर माझे माहेर आहे.तिकडे चालले होते लंच ब्रेक मध्ये..भावाला राखी बांधायला".


"ओ मॅडम..ते सगळे ठेवा तुमच्याजवळच...मला आधी हे सांगा तुम्ही राॅंग साईडने का आलात" ?


"अहो दादा , आत्ताच सांगितले ना..इथेच माझे माहेर आहे...रक्षाबंधन"...


"पुन्हा तेच..मला माहित आहे आज रक्षाबंधन आहे ते..पण तुम्ही राॅंग साईडने का आलात" ?


"दादा ,मला जर राईट साईडने आले तर बराsच लांबचा वळसा घालून जावे लागले असते.वेळ वाचवण्यासाठी आले हो..आजच आले एकदाच ! आजचा दिवस जाऊद्या हो मला".


"अहो मॅडम , नियम मोडला तुम्ही..अन् जाऊद्या काय म्हणताय वर"..


"अहो दादा, पेट्रोल कसे लीटर झाले आहे"?


"त्याचा काय संबंध इथे" ?


"पेट्रोल ची टंचाई निर्माण झाली आहे त्यामुळे तर दर वाढलेत ना.. म्हणून मी पेट्रोलची बचत करण्यासाठी लाॅंग रुट टाळला.यात उलट मी देशाची सेवाच केली"...


"ओ देशभक्त मॅडम ..चला पावती फाडा.तुमचे ऐकून घ्यायला मला वेळ नाही.आधीच डोके खाल्लेय तुम्ही..जर एखाद्या गाडीची धडक बसली असती तर तुमचीच चुकी असूनही आमच्याच नावाने ओरड केली असती".


"दादा हात पुढे करा"..


पोलिस दादाने चलनाचे पैसे घेण्यासाठी हात पुढे केला..


"हा नाही..तो" ! 


"तिने पर्समध्ये हात घातला.एक राखी काढली व पोलीस दादाच्या हातावर पटकन बांधली".


"दादा, तुमच्या हातावर एकही राखी नव्हती.आजच्या दिवशी हात सुना सुना बरा दिसत नाही"...


दादाने हात जोडून नमस्कार केला.अन हजार रुपयांचे चलन फाडून पावती तिच्यासमोर धरली.


"काय हो दादा..आजचा दिवस या बहिणीला माफ करणार नाही का" ?


"ताई , संध्याकाळी घरी जेवायला या.पावतीवर मागे माझा पत्ता लिहिला आहे.पण चलन मात्र भरावेच लागेल.कारण माझ्याच बहिणीने नियम मोडलेला मला आवडणार नाही...अन् इथून पुढे देशाची काळजी करण्यापेक्षा स्वतः नियम पाळण्याची दक्षता घ्या..तीच खरी देशसेवा" !


 ताईच्याच पद्धतीने दादाने पद्धतशीरपणे ताईचे दात ताईच्या घशात घातले होते..इति हेमा उवाच 

सौ. हेमा पाटील.😊😊

Comments

Post a Comment

Popular posts from this blog

रिती ओंजळ

 #रिती ओंजळ     ©️ सौ.हेमा पाटील. "जी में आता हैं तेरे दामन में सर छुपाके हम रोते रहे..रोते रहे तेरे भी आखोंमे आसूंओंकी नमी तो नहीं.... तेरे बिना जिंदगी भी लेकीन जिंदगी तो नहीं...जिंदगी नहीं.. जिंदगी नहीं" | लीना खूप अस्वस्थ होती.तिला आर्यनची खूप आठवण येत होती.आत्ता मोबाईल उचलावा आणि आर्यनला फोन करावा असे प्रकर्षाने वाटून तिने दोनदा मोबाईल उचलला पण होता आणि हताश होऊन परत टेबलवर ठेवला होता.आर्यन आपला फोन उचलेल की नाही याबाबत ती साशंक होती.आजवर आर्यनसोबत घालवलेले  क्षण तिच्या मनात फेर धरत होते.एकामागून एक आठवणी पावसाच्या सरींसारख्या मनावर कोसळत होत्या.आणि त्यात न्हाऊन निघाल्यावर मन शांतवण्याऐवजी अधिकच अस्वस्थ झाले होते.आर्यनचा दुरावा साहवत नव्हता.आत्ता या क्षणी मर्यादेच्या सगळ्या बेड्या काढून फेकून द्याव्यात आणि अधिरपणे धावतच आर्यनकडे जावे व त्याच्या मिठीत शिरावे ही इच्छा प्रबळपणे मनात दाटून येत होती...आत्ता याक्षणी मला जगातील इतर कोणतेही सुख नको आहे..त्याच्या आश्वस्त बाहुपाशांचा विळखा हाच माझ्यासाठी याक्षणी माझी सर्वात महत्त्वाची गरज आहे.मला त्याच्याकडून काहीही म...
Read more

नियती भाग १

 नियती   आजपासून ही कथा सहा भागांमध्ये पोस्ट करणार आहे.आजचा पहिला भाग ...     ©® सौ.हेमा पाटील.   “हो.. खूप मिस करतेय मी तुला! मला कळतेय पण वळत नाही.तुझ्यावर इतका जीव लागलाय की आता  तिथून परतीचा मार्गच मला दिसत नाही.तू..तू..आणि फक्त तूच हेच माझे जग बनलेय! तुला वगळून एकाही गोष्टींचा विचार मी करु शकत नाही.सकाळी उठताना तुझ्याच फोटोकडे पाहून तुला शुभ सकाळ म्हणते व कल्पनेनेच अंगावर मऊ दुलई घेऊन शांतपणे झोपलेल्या तुला पहाते, तुझ्या चेहऱ्यावर असलेले तृप्ततेचे भाव पहाते आणि मी माझा दिवस सुरू करते”...शरु रोजच्याप्रमाणे फोटोतील अभिजितशी बोलत होती.वाॅटसअप नंबरवर असलेला अभिजितचा फोटो ती रोज जेव्हा जेव्हा त्याची आठवण येईल तेव्हा तेव्हा पहायची, फोटोतील त्याच्याशी आपल्या मनातील गुजगोष्टी करायची... एकांतात!  अभिजित हा तिचा बालमित्र! दोघेही बालपणी एकाच वर्गात होते.शेजारीच रहात असल्याने एकमेकांच्या घरी जाणे येणे होतेच. शाळेतून घरी आल्यावर कसेतरी चार घास पोटात ढकलायचे आणि सगळा बालचमू हळूहळू एकत्र जमायचा.कधी पत्त्यांचा डाव जमायचा, कधी लगोरी,कधी खो खो रंगात यायचा तर कधी कब...
Read more

जेटलॅग

 जेटलॅग ©® सौ.हेमा पाटील. "ऐ मम्मी...डाळ चांगली झाली आहे ना"? "हो गं".  "मग खात का नाहीयेस? तशीच वाटी भरलेली आहे. मग भाजी हवी आहे का ? वाढू का"? "नको." पुढ्यात आलेल्या ताटातील आपण काय खातोय तेच तिला समजत नव्हते.पोळीचा तुकडा मोडून यांत्रिकपणे तो तोंडाकडे जात आहे एवढेच तिला समजत होते.ताटातील,भाजी, आमटी एवढेच काय पोळीची चव ही तिला समजत नव्हती.सर्वांसोबत बसून तिने ताटातील सर्व पदार्थ संपवले व ती तशीच ताटावर बसून राहिली... सगळे उठले तशी ती ही यांत्रिकपणे उठली व सोफ्यावर येऊन बसली. "ती " दुसरी तिसरी कुणी नसून मीच होते.ही माझीच गोष्ट आहे.    कॅनडा स्थित जावई ,मुलगी खूप वर्षे बोलावत होते, शेवटी आत्ता तो योग जुळून आला होता व आम्ही  सातासमुद्रापार पोहोचलो होतो. विमानाचा हाॅल्ट धरता चोवीस तास प्रवास करुन गेल्यावर साहजिकच थकल्याने झोपणे अनिवार्य होते.पण नंतर ही झोपच खेळ खंडोबा मांडणार आहे हे तेव्हा समजले नव्हते. भारतात दिवस आणि त्यावेळी तिकडे रात्र..हे वेळेतील बदलाचे गणित पचवायला शरीराला त्रास होतो हे ऐकून होते. पण या चक्रात मी चांगलीच अडकेन असे वा...
Read more